Conas atá margadh ópóideach na hEorpa ag forbairt? Cad iad na substaintí is mó atá mar chúis imní sa lá inniu? Conas atá tíortha ag freagairt d’úsáid cannabais? Faigh tuilleadh amach nuair a sheolfaidh an Lárionad Faireacháin Eorpach um Dhrugaí agus um Andúil i nDrugaí (EMCDDA) a Thuarascáil Eorpach ar Dhrugaí 2024: Treochtaí agus Forbairtí i bpreasagallamh beo ar líne ar an 11 Meitheamh.
Agus í bunaithe ar shonraí ó 29 tír (AE 27, an Tuirc agus an Iorua), seachadann an tuarascáil ar líne an forbhreathnú is déanaí ar staid na ndrugaí san Eoraip, ag iniúchadh treochtaí fadtéarmacha agus bagairtí atá ag teacht chun cinn. Clúdaíonn an anailís chuimsitheach úsáid agus soláthar drugaí chomh maith le díobhálacha a bhaineann le drugaí agus freagairtí orthu.
Comhlánaíonn níos mó ná 100 grafaic idirghníomhacha an anailís, agus cuireann deais idirghníomhacha tiomnaithe ar chumas úsáideoirí sonraí agus treochtaí a léirshamhlú ar an leibhéal Eorpach agus náisiúnta. Beidh iriseoirí agus taighdeoirí sonraí in ann rochtain a fháil ar na sonraí foinseacha chun iad a roinnt agus a athúsáid ar bhealach níos éasca. Tá an acmhainn deartha le bheith léite thar raon gléasanna (ríomhairí pearsanta, fóin phóca, táibléid).
In éineacht leis an tuarascáil tá Feasachán Staidrimh 2024 ina bhfuil tacair sonraí náisiúnta.
Bí linn don imeacht beo ar líne le cloisteáil faoi na príomhcheisteanna agus faoin anailís is déanaí.
Preasagallamh (ar líne)
Dáta: 11 Meitheamh 2024 ag 10.00 THIAR (Liospóin), 11.00 ALE (an Bhruiséil)
Cainteoirí:
- Ylva Johansson, Coimisinéir Eorpach um Ghnóthaí Baile
- Franz Pietsch, Cathaoirleach Bhord Bainistíochta EMCDDA (An Ostair)
- Alexis Goosdeel, Stiúrthóir EMCDDA
Beidh tuilleadh sonraí ar fáil roimh an seoladh ar leathanach imeachta seolta na Tuarascála Eorpaí ar Dhrugaí 2024.
Tuarascáil faoi lánchosc agus agallaimh: press@emcdda.europa.eu
Déanfar an preasagallamh i mBéarla.
